வரும் நவம்பர் 8ம் தேதி நடைபெற உள்ள அமெரிக்க அதிபர் தேர்தலில் ஜனநாயக கட்சியின் வேட்பாளராக ஹிலாரி கிளிண்டனும், குடியரசு கட்சி வேட்பாளராக டொனால்ட் டிரம்பும் போட்டியிடுகின்றனர். இந்த நிலையில் பிலடெல்பியாவில் நேற்று நடைபெற்ற ஜனநாயக கட்சியின் தேசிய மாநாட்டில் கட்சி பிரதிநிதிகள் மற்றும் ஆதரவாளர்கள் இடையே ஹிலாரி கிளிண்டனை ஆதரித்து அதிபர் ஒபாமா பேசினார். அப்போது ஒபாமா பேசியதாவது: அமெரிக்க அதிபராகி சேவை ெசய்ய ஹிலாரி கிளிண்டனை விட சிறந்த நபர் இனி வரப்போவதில்லை என நான் நம்புகிறேன். முதியோர்கள், ராணுவ வீரர்கள், சிறு வியாபாரிகள், பிரபலமானவர்கள் ஆகியோருக்கு என்ன தேவை என்பதை ஹிலாரி அறிவார். அவர் அனைவரையும் மரியாதையுடன் நடத்துபவர்.