மேற்கு லண்டனில் உள்ள 27 மாடி கட்டடத்தில் ஏற்பட்ட தீ விபத்து காரணமாக நூற்றுக்கணக்கானோர் உயிரிழந்துள்ளதாக சர்வதேச ஊடகங்கள் தகவல் வெளியிட்டுள்ளன. இதில் ஒரு இளம் தம்பதியும் சிக்கிக் கொண்டது. அந்த தம்பதியரின் பெண் தனது தாய்க்கு கடைசியாக அனுப்பிய குறுஞ்செய்தி சமூக வலைத் தளங்களில் வைரலானது. இந்த தீ விபத்தில் Gloria Trevisan மற்றும் Marco Gottardi என்ற தம்பதியினரே இவ்வாறு உயிரிழந்துள்ளனர். இவர்கள் இருவரும் இத்தாலி நாட்டை சேர்ந்த கட்டட கலை நிபுணர்கள். இவர்கள் கடந்த 3 மாதங்களுக்கு முன்னர் தொழிலுக்காக லண்டனுக்கு சென்றுள்ளனர். 23வது மாடியில் இவர்கள் சிக்கியிருந்த நிலையில், அந்த பெண் தனது தாய்க்கு இறுதியாக அழைப்பு மேற்கொண்டுள்ளார். தாம் தீ விபத்தில் சிக்கியிருப் பதாகவும், காப்பாற்றுவதற்காக குழுவினர் வருவார்கள் என காத்திருப்பதாகவும் குறிப்பிட்டுள்ளார். எனினும் அவர்கள் காப்பாற்றப்படவில்லை. உயிரிழப் பதற்கு முன்னர் மீண்டும் தனது தாய்க்கு அழைப்பை மேற்கொண்டு இதுவரை செய்த அனைத்து உதவிகளுக்கும் நன்றி என குறிப்பிட்டு விட்டு உயிரிழந் துள்ளார்.