வெள்ளி 18, அக்டோபர் 2019  
img
img

காதலனை தேடி இலங்கை வந்த சீன யுவதி
சனி 10 ஜூன் 2017 18:05:02

img

இலங்கையை சேர்ந்த இளைஞனை நான்கு வருடங்களாக காதலித்த சீன யுவதி ஒருவர், இளைஞனை தேடி இலங்கைக்கு வந்துள்ள சம்பவம் நாவலப் பிட்டி பிரதேசத்தில் நடந்துள்ளது. சீன யுவதி ஜப்பானில் ஒரு தனியார் நிறுவனத்தில் தொழில் புரிந்து வந்தார்.அப்போது தென் கொரியாவில் தொழில் புரிந்தத இலங்கை இளைஞன் ஒருவர் ஜப்பானுக்கு சென்றிருந்த போது இருவருக்குள்ளும் காதல் மலர்ந்தது. இலங்கைக்கு சென்று மீண்டும் உங்களை திருமணம் செய்து கொள்வதாக இளைஞன் வாக்குறுதியளித்துள்ளார். அதன்படி நம்பி ஏமாந்த சீன யுவதி இலங்கைக்கு அந்த பையன் வீட்டுக்குச் சென்றுள்ளார். தன்னை திருமணம் செய்து கொள்ளுமாறு கேட்டுள்ளார். இளைஞன் அதற்கு மறுப்பு தெரிவித் ததை தொடர்ந்து யுவதி நாவலப்பிட்டி பொலிஸ் நிலையத்தில் முறைப்பாடு செய்துள்ளார். இது குறித்து கருத்து வெளியிட்டுள்ள சீன யுவதி,“ நான் நான்கு வருடங்களாக இவரை காதலித்து வருகிறேன். திருமணம் செய்வதாக வாக்குறுதி வழங்கியதால், நாங்கள் நெருங்கி பழகினோம். இலங்கை சென்று திரும்பியதும் திருமணம் செய்து கொள்வதாக கூறினார்.அவர் வரவில்லை. இதனால், நான் அவரை தேடி வந்தேன். அவர் இல்லாமல் என்னால் வாழ முடியாது. அவரை என் உயிரை விட அதிகமாக நேசிக்கின்றேன். எப்படியாவது அவரை எனக்கு திருமணம் செய்து வையுங்கள். அவருக்காகவே நான் இலங்கை வந்தேன். நான் அவரது வீட்டுக்கு சென்ற போது என்னை அவர் புறக்கணித்தார். வெளியில் சென்று எங்கே தங்கி விட்டார். அவர் வரும் வரை நான் வீட்டில் காத்திருந்தேன்.எனினும் அவர் வரவில்லை. அவரது தாயும் தந்தையும் நல்லவர்கள். என்னை நன்றாக உபசரித்தனர்“ எனக் கூறியுள்ளார். இது தொடர்பாக இளைஞன் தெரிவிக்கையில்,“சீனப் பெண்ணை திருமணம் செய்வதில் எனக்கு விருப்பம். எனினும் திருமணம் செய்த பின்னர் இலங்கை யில் வசிக்க அவர் விரும்பவில்லை. அது மாத்திரமல்ல நாவலப்பிட்டியில் உள்ள சொத்துக்களை விற்பனை செய்து விட்டு பணத்தை எடுத்துக்கொண்டு அவருடன் அவரது நாட்டில் குடியேற வருமாறு கூறுகிறார். சொத்துக்களை விற்பனை செய்ய எனக்கு விரும்பமில்லை. நான் என் பெற்றோரை கவனிக்க வேண்டும். இலங்கையில் குடியேற விரும்பினால், நான் திருமணம் செய்து கொள்வேன். இல்லையென்றால் முடியாது” என இளைஞன் கூறியுள்ளார். சீனாவில் பெற்றோர் தனியாக வசிப்பதால், அவர்களை தனித்து விட முடியாது எனக் கூறி இளைஞனின் யோசனைக்கு யுவதி மறுப்பு தெரிவித்துள்ளார். இதனையடுத்து பொலிஸ் முறைப்பாட்டை திரும்ப பெற்ற யுவதி, இலங்கையில் இருந்து புறப்பட்டுச் செல்லும் வரை இளைஞனின் வீட்டில் தங்கியிருக்க அவரது வீட்டுக்கு சென்றதாக நாவலப்பிட்டி பொலிஸார் கூறியுள்ளனர்.

பின்செல்

இலங்கைச் செய்திகள்

img
அதிபர் வேட்பாளர் விரைவில் அறிவிப்பு

எதிர்க்கட்சி நாடாளுமன்ற உறுப்பினர்களின்

மேலும்
img
பதவி விலகப் போவதாக தேர்தல் ஆணைக்குழு தலைவர் எச்சரிக்கை 

முதலில் மாகாண சபைத் தேர்தல்களை நடத்த வேண்டியது

மேலும்
img
அதிபரும் விசாரணைகளுக்காக அழைக்கப்படுவார் 

வரும் நாடாளுமன்றத் தெரிவுக் குழுவில் சாட்சியமளிப்பதற்கு

மேலும்
img
இலங்கை தாக்குதலுக்கு காரணம் ராஜபக்சே தான்- அமைச்சர் பரபரப்பு பேச்சு

இந்த தாக்குதல்களுக்கு கரணம் ராஜபக்சே சகோதரர்கள்

மேலும்
img
இலங்கையில் 4 ஆயிரம் பெண்களுக்கு  கட்டாய கருத்தடை அறுவை சிகிச்சை!

- மருத்துவர் கைது

மேலும்
  • Copyright 2019.Nanban.All rights reserved.
  • powered by img