பிலிப்பைன்ஸ் தலைநகர் மணிலாவில், ஐஎஸ்ஐஎஸ் நடத்திய திடீர் தாக்குதலில் 36 பேர் பலியாகியுள்ள தாகவும், 54 பேர் காயமடைந்துள்ளதாகவும் தக வல்கள் வெளியாகிவருகின்றன. உலகம் முழுவதிலும் பெரும் அச்சுறுத்தலை ஏற்படுத்திவருகிறது, ஐஎஸ் தீவிரவாத இயக்கம்.சிரியா, ஆஃப்கானிஸ்தான் உள்ளிட்ட மத்திய கிழக்கு நாடு களில் தாக்குதல் நடத்திவரும் ஐஎஸ் தீவிரவாதிகள், சமீப காலமாக பிரான்ஸ், இங்கிலாந்து உள்ளிட்ட நாடுகளைக் குறிவைத்துவருகின்றனர். கடந்த மாதம் நடந்த மான்செஸ்டர் தாக்குதல்மூலம் அதிர்வலைகளைக் கிளப்பிய பயங்கரவாதிகள், தற்போது பிலிப்பைன்ஸ் தலைநகரை குறிவைத்துத் தாக்கியுள்ளனர். மணிலாவில் இருக்கும் காசினோ காம்ப்ளெக்ஸ் ஒன்றில் இந்த கொலைவெறித் தாக்குதல் நடத்தப்பட் டிருக்கிறது. மணிலா நகரின் மிகப் பெரிய காசினோ ரிசார்ட்டில், அடையாளம் தெரியாத இரண்டு நபர் கள் திடீரென்று நுழைந்து, ஐஎஸ் இயக்கத்தின் பெயரை உச்சரித்துவிட்டு, கண்மூடித்தனமாக துப்பாக் கியால் சூட்டுள்ளனர். இந்த துப்பாக்கிச்சூட்டில் 36 பேர் பலியாகியுள்ளனர் என்றும், 54 பேர் காயமடைந்துள்ளனர் என்றும் உள்ளூர் பத்திரிகைகள் செய்தி வெளியிட்டுவருகின்றன.