லண்டன் தீவிரவாத அச்சுறுத்தலை தொடர்ந்து இங்கிலாந்தின் முக்கிய இடங்களில் 5000-க்கும் அதிகமான ராணுவத்தினர் குவிக்கப்பட்டுள்ளனர். மான்செஸ்டர் நடத்த தாக்குதலுக்கு பொறுப்பேற்றுள்ள ஐஎஸ்ஐஎஸ் தீவிரவாதி அமைப்பு நகரில் பிற இடங்களில் குண்டு வெடிக்கும் என எச்சரித்துள்ளது. இதனை தொடர்ந்து பிரதமர் தெரசா மே நாடு முழுவதும் உஷார் நிலையை பிரகடனப்படுத்தியுள்ளார். லண்டன் மான்செஸ்டர் உள்ளிட்ட மக்கள் அதிகம் கூடும் இடங்களில் கண்காணிப்பு தீவிரப்படுத்தப்பட்டுள்ளது. முக்கிய சாலைகளில் தீவிர சோதனைக்கு பிறகே வாகனங்கள் அனுமதிக்கப்படுகின்றன. இதனிடையே ஜூன் 1-ம் தேதி இங்கிலாந்தில் தொடங்க உள்ள சாம்பியன்ஸ் கோப்பை கிரிக்கெட் போட்டிக்கான பாதுகாப்பு குறித்து சர்வதேச கிரிக்கெட் கவுன்சில் கவலை தெரிவித்துள்ளது. சாம்பியன்ஸ் கோப்பை மற்றும் மகளிர் உலககோப்பை கிரிக்கெட் போட்டிகளுக்கான பாதுகாப்பு ஏற்பாடுகளை உறுதி செய்யக்கோரி இங்கிலாந்து கிரிக்கெட் வாரியத்திற்கு ஐ.சி.சி. கடிதம் எழுதியுள்ளது.