ஜெருசலேம் ஈரான் அணு ஆயுதங்களை வைத்துக்கொள்ள அனுமதி அளிக்கப்படாது என அமெரிக்க அதிபர் டொனால்டு டிரம்ப் இஸ்ரேல் பிரதமரிடம் உறுதிய ளித்துள்ளார். இஸ்ரேல் சென்றுள்ள டிரம்ப் அந்நாட்டு பிரதமர் பெஞ்சமின் நெதன்யாஹு இணைந்து செய்தியாளர்கள் கூட்டத்தில் பேசினார். 2015-ம் ஆண்டு உலக நாடுகளுடன் அணுசக்தி ஒப்பந்த பேச்சுவார்த்தையில் ஈடுபட்டதில் இருந்து ஈரான் நினைத்ததை எல்லாம் செய்யலாம் என எண்ணி உள்ள தாக டிரம்ப் கூறினார். ஈரான் பெரிய அளவில் நிதி அளித்து தீவிரவாதிகள் மற்றும் போராளிகளுக்கு பயிற்சி அளிப்பதுடன் ஆயுத உதவிகளையும் செய்து வருவதாக அவர் குற்றம் சாட்டினார். தீவிரவாதிகளை ஒடுக்க இஸ்ரேல் உதவும் என நம்புவதாகவும் அவர் கூறினார். இஸ்ரேல் பாலஸ்தீனிய அமைதி பேச்சுவார்த்தைக்கான சாத் தியங்கள் பற்றி நம்பிக்கை தெரிவித்த டிரம்ப் தற்போது அதற்கான அறிய வாய்ப்பு அமைந்திருப்பதாக குறிப்பிட்டார். அமெரிக்க அதிபரை வரவேற்று பேசிய இஸ்ரேல் பிரதமர் பெஞ்சமின் நெதன்யாஹு அமைதி பேச்சுவார்த்தைக்கான டிரம்பின் அர்ப்பணிப்பை வெகுவாக பாராட்டினார்.