சில நாட்களாகவே உலக நாடுகள் அத்தனையும் புதிதாகப் படையெடுத்துள்ள சைபர் தாக்குதல்களை சமாளிக்க முடியாமல் தவித்து வருகின்றன. அமெரிக் காவின் வெள்ளை மாளிகையையே ஆட்டம் காணச் செய்துள்ள இந்த ‘ரான்சம்வேர்’ (Ransomeware) சைபர் தாக்குதலினை எதிர்த்து விரைந்து ட்ரம்பின் புதிய படை களமிறங்கவுள்ளது. ஒரே நாளில் 150 நாடுகளில் உள்ள சுமார் 2லட்சம் கம்ப்யூட்டர்களை இந்த ரான்சம்வேர் முடக்கியுள்ளது. தற்போது குறைந்த வேகத்திலேயே செயல்பட்டு வரும் ‘ரான்சம்வேர்’ தாக்குதல் விரைவில் புதிய அச்சுறுத்துல்களுடன் விரைந்து தாக்கும் என சைபர் க்ரைம் பாதுகாப்பு வல்லுநர்கள் எச்சரிக்கை விடுத் துள்ளனர். அமெரிக்க தேசிய பாதுகாப்பு ஏஜென்ஸியால் தயாரிக்கப்பட்ட சில திருட்டு மென்பொருள்கள் களவாடப்பட்டதே இத்தனைக் குழப்பங்களுக்கும் காரனம் என அமெரிக்காவின் மீது தான் அத்தனை குற்றச்சாட்டுகளும் சுமத்தப்படுகின்றன. முதலில் இதை அமெரிக்க அரசு மறுத்தப்போதும், தற்போதைய வைரஸ் தாக்குதல்கள் சந்தேகங்களை ஊர்ஜிதப்படுத்தியுள்ளன.