கடந்த சில நாட்களாக பத்து பகாட் துன் உசேய்ன் ஓன் பல்கலைக்கழகத் திடலில் நடைபெற்ற 50 ஆவது ஜொகூர் மாநில பள்ளிகளுக்கான திடல் தடப் போட்டிகளில் சில இந்திய மாணவர்கள் சாதனை முத்திரைகளை பதித்துள்ளனர். மொத்தம் 797 விளையாட்டாளர்கள் இப்போட்டியின் வயதுக் கேற்ற பிரிவுகளில் கலந்து கொண்டு தங்கள் திறமைகளை வெளிப்படுத்தினர். இவர்களில் ஸ்கூடாய் இடைநிலைப்பள்ளி மாணவரான விசாகன் கிருஷ்ணன் (வயது 17) 3 ஆயிரம் மீட்டர் தடுப்பு ஓட்டத்தில் 10 நிமிடம் 35.95 விநாடி ஓடி புதிய சாதனையை ஏற்படுத்தியுள்ளார். 18 வயதுக்குகீழ்ப்பட்டவர்களுக்கான சிறந்த ஓட்டப்பந்தய வீரராகவும் சிறப்பிக்கப்பட்ட கே.விசாகன் மூவா யிரம் மீட்டர் தடுப்பு ஓட்டத்தில் தங்கம் வென்றதோடு மேலும் இரு போட்டிகளில் தங்கமும் ஆயிரத்து 500 மீட்டர் ஓட்டத்தில் வெள்ளிப் பதக்கமும் பெற்றார். இவரைத் தவிர 15 வயதுக்கு கீழ்ப்பட்டவர்களுக்கான திடல் தடப் போட்டியில் தாமான் யூனிவர் சிட்டி இடைநிலைப்பள்ளி மாணவரான ஹரிதாஸ் ரோபர்ட் 800 மீட்டர் ஓட்டத்தில் 2 நிமிடம் 4.64 விநாடி ஓடி புதிய சாதனை ஏற்படுத்தியதோடு 15 வயதுக்கு கீழ்ப்பட்டவர்களுக்கான சிறந்த விளை யாட்டாளராகவும் சிறப்பிக்கப்பட்டார். அதே போல் பாசிர் கூடாங் மாவட்டத்தைச் சேர்ந்த மாணவி பத்ம லோஷினி ஜெயசீலன் பெண்களுக்கான 15 வயதுக்கு கீழ்ப்பட்ட 800 மீட்டர், 1500 மீட்டர் ஓட்டப்போட்டியில் இரு தங்கங்களை வென்றதோடு சிறந்த விளையாட்டு வீரராகவும் சிறப்பிக்கப்பட்டார். மேலும் 18 வயதுக்கு கீழ்ப்பட்ட 1, 500, 2000 மீட்டர் ஓட்டத்தில் இரு தங்கங்களை வென்று புதிய சாதனை யை படைத்த புஸ்பலெட்சுமி ஜெயந்திரன் பெண்கள் பிரிவிற்கான சிறந்த விளையாட்டாளராகவும் சிறப்பிக்கப்பட்டார். ஜொகூர் மாநில இளைஞர், விளையாட்டு கலாச்சார, ஜொகூர் பாரம்பரிய பிரிவிற்கான ஆட்சிக்குழு உறுப்பினர் டத்தோ சூல்கர்னைன் பின் ஹாஜி கம்சியான் பதக்கங்களை அணிவித்து சிறப்புச் செய்தார்.