ஜேர்மனியில் கால்பந்து வீரர்கள் பயணித்த பேருந்திற்கு அருகே மூன்று குண்டுகள் வெடித்துள்ள சம்பவம் பரபரப்பை ஏற்படுத்தியுள்ளது. Borussia Dortmund அணி வீரர்கள் பயணித்த பேருந்திற்கு அருகேயே குண்டுகள் வெடித்துள்ளது. இதில் காயமடைந்த Marc Bartra என்ற வீரர் மருத்துவமனைக்கு கொண்டு செல்லப்பட்டுள்ளார். மாலை Westfalenstadion மைதானத்தில் நடைபெறவிருந்த சாம்பியன்ஸ் லீக் கால் இறுதியில் Borussia Dortmund அணி, Monaco அணியுடன் மோதவிருந்தது. இந்நிலையில், Borussia Dortmund வீரர்கள் பயணித்த பேருந்து Höchsten பகுதிக்கு அருகே சென்றுக் கொண்டிருந்து போது குண்டுகள் வெடித்ததாக தகவல்கள் வெளியாகியுள்ளது. இதில், பேருந்தின் ஜன்னல் கண்ணாடி தகர்ந்ததாக கூறப்படுகிறது. எனினும், வீரர்கள் அனைவரும் பாதுகாப்பாக உள்ளதை கிளப் உறுதி செய்துள்ளது. இதனையடுத்து, இரு அணிகளுக்கும் இடையேயான போட்டி ஒத்தி வைக்கப்பட்டுள்ளது. சம்பவம் குறித்து Dortmund பொலிசார் தீவிர விசாரணை மேற்கொண்டு வருகின்றனர்.