ஒரு முட்டாளை அதிபராக தெரிவு செய்துள்ள அமெரிக்காவின் அழிவு விரைவில் நிகழும் என ஐ.எஸ் அமைப்பு கடுமையாக விமர்சனம் செய்துள்ளது. அமெரிக்க அதிபராக டொனால்ட் டிரம்ப் தெரிவானதை தொடர்ந்து தற்போது டிரம்பை முதன் முதலாக விமர்சித்து ஐ.எஸ் தீவிரவாத அமைப்பு வீடியோ ஒன்றை வெளியிட்டுள்ளது. சுமார் 37 நிமிடங்கள் பதிவாகியுள்ள அந்த வீடியோவில் ஐ.எஸ் அமைப்பின் செய்தி தொடர்பாளரான Abu Hassan al-Muhajer என்ற தீவிரவாதி கிண்டலாக பேசியுள்ளான். அதில், ‘அமெரிக்கா மூழ்கி விட்டது. இனி அமெரிக்காவை காப்பாற்ற யாராலும் காப்பாற்ற முடியாது. உலகம் முழுவதும் உள்ள ஐ.எஸ் தீவிரவாதிகளின் இரையாக அமெரிக்கா மாறிவிட்டது. அமெரிக்காவின் அழிவு கண்கூடாக நன்றாக தெரிகிறது. சிரியா, ஈராக் மற்றும் இஸ்லாம் பற்றிய சிறு அறிவும் இல்லாத ஒரு முட்டாள் தான் அமெரிக்காவை ஆள்கிறார்’ என கடுமையாக விமர்சனம் செய்யப் பட்டுள்ளது. மேலும், சமீபத்தில் நிகழ்த்தப்பட்ட தீவிரவாத தாக்குதல்களை புகழ்ந்து பேசிய அந்த தீவிரவாதி ‘அமெரிக்கா, ரஷ்யா மற்றும் பிற ஐரோப்பிய நாடுகளிலும் தொடர்ந்து தாக்குதல்களை நிகழ்த்த வேண்டும். உலகம் முழுவதும் பரவியுள்ள தீவிரவாதிகள் இந்த தாக்குதல்களை வெற்றிகராம நிகழ்த்த வேண்டும் என அந்த வீடியோவில் தெரிவிக்கப்பட்டுள்ளது.