எம்பயர் மேகசின் சார்பில் திரைப்பட விருதுகள் வருடா வருடம் வழங்கப்படுகின்றன. இது 25 -வது வருடம். இந்த வருடம் சிறந்த திரைப்படத்துக்கான விருது கிறிஸ்டோபர் நோலனின் இன்டர்ஸ்டெல்லர் திரைப்படத்துக்கு கிடைத்தது. நோலனின் இன்டர்ஸ்டெல்லர் பரவலான வரவேற்பையும், பாராட்டையும் பெற்றாலும், இன்செப்ஷன் அளவுக்கு ரசிகர்கள் ஆச்சரியப்படுத்தவில்லை என்றுதான் சொல்ல வேண்டும். அதனால்தான் ஆஸ்கரில் இப்படம் எந்த ஆச்சரியத்தையும் ஏற்படுத்தவில்லை, முக்கிய விருதுகளும் கிடைக்கவில்லை. இந்நிலையில் லண்டனில் நடந்த எம்யர் திரைப்பட விருது விழாவில் சிறந்த திரைப்படமாக தேர்வு செய்யப்பட்டதுடன், எம்யர் இன்ஸ்பிரேஷன் விருதும் கிறிஸ்டோபர் நோலனுக்கு கிடைத்தது. இதுவரை அவர் இயக்கிய படங்களுக்காக இந்த விருது அவருக்கு வழங்கப்பட்டது.