கோலிவுட்டில் பேய் சினிமா ராஜ்ஜியம் செய்துகொண்டிருக்க, ஹாலிவுட்டிலிருந்து வந்த கான்ஜுரிங் படமும் சப்தம் இல்லாமல் இந்தியாவில் வசூல் வேட்டையாடியது. இப்போது அந்த படத்தின் இரண்டாம் பாகம் உருவாகிவிட்டது. ஜூன் 10ம் தேதி வெளியாகும் தி கான்ஜுரிங் 2, தமிழிலும் வெளியாகிறது. ஜேம்ஸ் வான் இப்படத்தை இயக்கியுள்ளார். வானுடன் சேர்ந்து மொத்தம் 3 பேர் இந்த படத்துக்கு திரைக்கதை எழுதியுள்ளனர். திரைக்கதையும் மிரட்டல் காட்சிகளும் இந்த படத்தின் ஹைலட்டாக இருக்கப்போகிறது என இப்போதே சினிமா விமர்சகர்கள் பாராட்டி வருகின்றனர். திகிலூட்டும் காட்சிகள், முதல் பாகத்தை விட இதில் பலபடி மேலே இருக்கும் என பட யூனிட் கூறுகிறது. வெரா பர்மிகா, பெட்ரிக் வில்சன் நடித்துள்ளனர்.