உத்தரப்பிரதேசம் மாநில தேர்தலில் படுதோல்வியை தழுவியுள்ள பகுஜன் சமாஜ் கட்சி தலைவர் மாயாவதி, வாக்கு இயந்திரங்களில் எந்த சின்னத்துக் கான பொத்தானை அழுத்தினாலும் பா.ஜ.க. வேட்பாளர்களுக்கே வாக்குகள் பதிவானதாக குற்றம்சாட்டியுள்ளார்.உத்தரப்பிரதேசம் மாநில தேர்தல் முடிவுகள் பெரும்பாலும் வெளியாகிவரும் நிலையில் பா.ஜ.க. 300-க்கும் அதிகமான இடங்களில் வெற்றி முகத்தில் உள்ளது. இதையடுத்து, ஆளுநரை சந்தித்து ராஜினாமா கடிதத்தை அளிக்க முதலமைச்சர் அகிலேஷ் யாதவ் தீர்மானித்துள்ளார்.இந்நிலையில், வாக்கு இயந்திரங் களில் தில்லுமுல்லு செய்து இந்த வெற்றியை பா.ஜ.க. அடைந்துள்ளதாக அம்மாநில முன்னாள் முதலமைச்சரும் பகுஜன் சமாஜ் கட்சி தலைவருமான மாயாவதி குற்றஞ்சாட்டியுள்ளார். இதுதொடர்பாக, லக்னோ நகரில் செய்தியாளர்களுக்கு இன்று பேட்டியளித்த மாயாவதி, வாக்கு இயந்திரங்களில் எந்த சின்னத்துக்கான பொத்தானை அழுத்தினாலும் பா.ஜ.க. வேட்பாளர்களுக்கே வாக்குகள் பதிவாகியுள்ளது என்றார். இந்த தேர்தலில் பா.ஜ.க. நேர்மையான முறையில் வெற்றி பெற்றது உண்மையானால், வாக்கு இயந்திரங்களுக்கு பதிலாக வாக்குச் சீட்டு முறையில் மறுதேர்தலை நடத்துமாறு பிரதமர் மோடியும், பா.ஜ.க. தலைவர் அமித் ஷா கோரிக்கை வைப்பாரா? எனவும் அவர் கேள்வி எழுப்பியுள்ளார். மேலும், வாக்கு எண்ணிக்கையை உடனடியாக கைவிட்டு வாக்குச் சீட்டு முறையில் மறுதேர்தலை நடத்துமாறு தேர்தல் கமிஷனுக்கு கடிதம் அனுப்பி யுள்ளதாகவும் அவர் குறிப்பிட்டார்.