ஜெயலலிதாவின் மரணம் தொடர்பாக இன்று பரபரப்பு புகார் ஒன்றினை பி.ஹெச். பாண்டியன் கூறியுள்ளார். ஜெயலலிதாவை போயஸ்தோட்ட இல்லத் தில் கீழே தள்ளி விட்டனர் என்றும் அவர் காயமடைந்த நிலையிலேயே மருத்துவமனையில் அனுமதிக்கப்பட்டார் என்றும் அவர் புகார் தெரிவித்துள்ளார். சென்னையில் ஓபிஎஸ் இல்லத்தில் செய்தியாளர்களிடம் பேசிய அவர், ஜெயலலிதாவை அப்பல்லோ மருத்துவமனையில் அனுமதித்த போது நடந்தது என்ன என்று கேள்வி எழுப்பிய அவர், அந்த சிசிடிவி காட்சிகளை வெளியிட வேண்டும் என்று கூறினார். செப்டம்பர் 22ஆம் தேதியன்று இரவு போயஸ் தோட்ட இல்லத்தில் அவரை கீழே தள்ளிவிட்டார்கள். காயமடைந்த நிலையிலேயே அவர் அப்பல்லோவிற்கு கொண்டு வரப்பட்டார் என்றும் தெரிவித்தார். போயஸ்தோட்ட இல்லத்தில் இருந்த சிசிடிவி காட்சிகளையும், அப்பல்லோ மருத்துவமனை சிசிடிவி காட்சிகளையும் வெளியிட வேண்டும் என்று தெரி வித்தார். உயிர் போகும் தருவாயில் அவரது சிகிச்சையை நிறுத்த சொன்னது யார் என்றும் பி.ஹெச். பாண்டியன் கேள்வி எழுப்பினார். குடும்ப உறுப்பினர் கள் யாரேனும் நிறுத்தச் சொன்னார்களா என்றும் பி.எச் பாண்டியன் கேட்டார்.