கோழிக்கோடு, ஏப். 30- கோழிக்கோடு மாவட்டத்தில் பாக்டீரியாவால் மீண்டும் 2 சிறுமிகளுக்கு புதியவகை ’ஷிகெல்லா’  காச்சல் பாதிப்பு ஏற்பட்டுள்ளது.

      கேரளாவின் கோழிக்கோட்டில் 2020ல் ஒன்றரை வயது குழந்தைக்கு ஷிகெல்லா காச்சல் பாதிப்பு ஏற்பட்டு  சிகிச்சையளிக்கப்பட்டது. தொடர்ந்து 6 பேருக்கு உறுதி செயப்பட்டது. பின்னர் கட்டுப்படுத்தப்பட்டது.இந்தநிலையில்  மீண்டும் ஏப்., 20, 21ல் இரண்டு சிறுமிகளுக்கு ’ஷிகெல்லா’ அறிகுறி கண்டறியப்பட்டது.

அவர்களுக்கு பெரிய அளவில்  உடல்நலக்குறைவு இல்லை என சுகாதாரத்துறை அதிகாரிகள் தெரிவித்தனர். எனினும் முன்னெச்சரிக்கையாக அப்பகுதியில் 100 வீடுகளில் உள்ள கிணறுகளில் கிருமி நாசினி தெளிக்கும் பணிகளை தொடங்கி உள்ளனர். இக்காச்சலுக்கான அறிகுறி வயிற்றுப்போக்கு, வயிற்று வலி, வாந்தி உள்ளவர்களைக் கண்டறியும் பணி நடக்கிறது.

தடுப்பு நடவடிக்கைகளை டாக்டர் கே.வி மிதுன் சசி, தலைமையில் சுகாதாரத் துறையினர் தீவிரப்படுத்தி உள்ளனர். அசுத்தமான உணவு, பாக்டீரியாவால் பாதிக்கப்பட்ட நீரிலிருந்தோ இத்தொற்று ஏற்படலாம் என தெரிவித்தனர்.