சேலம், நவ. 18-

கஜா புயலுக்கு இதுவரை 33 பேர் பலியாகி இருப்பதாக முதல்வர் எடப்பாடி பழனிசாமி கூறினார். 

சேலத்தில் அவர் நிருபர்களிடம் பேசுகையில்; அவர் மேலும் கூறியதாவது: சமீபத்திய புயலில் முன்னெச்சரிக்கை  நடவடிக்கை காரணமாக பாதிப்பு குறைந்துள்ளது. 471 முகாம்கள் அமைக்கப்பட்டதால் பாதிப்பு குறைந்துள்ளது. 350 முகாம்களில்  1 லட்சத்து 77 ஆயிரம் பேர் தற்போது தங்கியுள்ளனர். புயலில் 1லட்சத்து 27 ஆயிரம் மரங்கள் சாந்துள்ளன. 20 ஆண்களும், 11  பெண்களும், 2 சிறுவர்களும் இறந்துள்ளனர்.

70 கால்நடைகள், 291 செம்மறி ஆடுகள், 1,216 கோழிகள், 140 வெள்ளாடுகள், 30  மான்கள் இறந்துள்ளன. 105 துணை மின் நிலையங்கள் பாதிக்கப்ப ட்டுள்ளது. தற்போது புயல் வெள்ளம் காரணமாக தொற்று  நோ பரவாமல் 230 முகாம்கள், 435 நடமாடும் மருத்துவ ஊர்தி செயல்படுகின்றன. இவ்வாறு முதல்வர் கூறினார்.