சென்னை தியாகராய நகரில் உள்ள அவரது இல்லத்தில், லட்சிய திராவிட முன்னேற்றக் கழகத்தின் நிறுவனத் தலைவரும், நடிகருமான டி.ராஜேந்தர் செய்தியாளர்களைச் சந்தித்தார். அப்போது,``88 சட்டமன்ற உறுப்பினர்களை வைத்துக்கொண்டு ஸ்டாலினால் என்ன செய்ய முடிந்தது. வரும் அக்ட்டோபர் 3-ம் தேதி, கட்சியின்  பொதுக்குழுக் கூட்டம் கூட்டப்படுகிறது. வரும் அக்டோபர் மாதம் 3-ம் தேதி என்னுடைய 64-வது பிறந்தநாள். ஒரு காலத்தில் வெகு விமரிசையாகக் கொண்டாடப்பட்ட என்னுடைய பிறந்தநாள், இன்றெல்லாம்  அவ்வளவு பெரிதாகக் கொண்டாடுவது இல்லை. ஆனால், வரும் பிறந்தநாளன்று கட்சி சார்பாக புதிய முடிவுகளை எடுக்க இருக்கிறேன்.இனி, நான் தேசிய அரசியலில் ஈடுபட இருக்கிறேன்.