தன்னுடன் நடித்த நடிகைகள் குறித்து ரஜினிகாந்த் பேசியுள்ளார்.

 

பா.ரஞ்சித் இயக்கத்தில் ரஜினிகாந்த் நடிப்பில் உருவாகி வரும் திரைப்படம் ‘காலா’. இப்படத்தை தனுஷ் தயாரிக்கிறார். இதன் இசை வெளியீட்டு விழா பிரம்மாண்டமாக நடைபெற்றது. விழாவில் பேசிய ரஜினிகாந்த், சினிமாவில் இருந்து அரசியல் வருகை வரை, பல விஷயங்கள் குறித்து பகிர்ந்து கொண்டார். லிங்கா படம் அதன் கதைக்காக ஒப்புக் கொண்டேன்.

 

ஆனால் அதன் தோல்வி, மிக நல்லவனாக இருக்கக் கூடாது என்ற பாடத்தை புகட்டியது. என் மகளை விட குறைந்த வயது கொண்ட சோனாக்‌ஷியுடன் டூயட் பாடியது தவறு தான். அதனை பின்னால் தான் உணர்ந்து கொண்டேன். அதேபோல் 40, 45 வயது கதாபாத்திரங்களில் நடித்தால் பரவாயில்லை. ஆனால் 30 வயது கதாபாத்திரங்களில் நடித்ததும் தவறு என்று குறிப்பிட்டார்.

 

தனது அரசியல் வருகை குறித்து, இன்னும் அந்த காலம் வரவில்லை. அந்த காலம் விரைவில் வரும். என்னை வாழ வைத்த தமிழ் நெஞ்சங்களுக்கு நல்லது நடக்கும் என்று ரஜினிகாந்த் கூறினார்.