தமிழக முதல்வர் சிகிச்சையில் மர்மம் இருப்பதால் ஆட்கொணர்வு மனு தாக்கல் செயப் போவதாக சசிகலா புஷ்பா தெரிவித்துள்ளார். தமிழக முதலமைச்சர் ஜெயலலிதா உடல்நலக்குறைவு காரணமாக, சென்னை அப்பல்லோ மருத்துவமனையில் சிகிச்சைக்காக அனுமதிக்கப்பட்டுள்ளார். இந்நிலையில் அவரது உடல்நிலை குறித்து பல்வேறு வதந்திகள் சமூக வலைத்தளங்களில் பரவி வருகின்றன. இந்நிலையில் அதிமுகவில் இருந்து நீக்கப்பட்ட மாநிலங்களவை உறுப்பினர் சசிகலா புஷ்பா, தமிழக முதலமைச்சர் உடல்நிலை குறித்து கேள்வி எழுப்பியுள்ளார். அவரது உடல்நிலையில் மர்மம் நீடிப்பதாகவும், இதுகுறித்து வெளிப்படையாக அரசு அறிவிப்பு வெளியிட வேண்டும் என்று குறிப்பிட்டுள்ளார். மேலும் மருத்துவமனை நிர்வாகம் மீது சந்தேகம் இருப்பதாகவும், இதுதொடர்பாக ஆட்கொணர்வு மனு ஒன்றை பிரதமர், குடியரசுத் தலைவர் ஆகியோரை சந்தித்து அளிக்கப் போவதாகவும் சசிகலா புஷ்பா தெரிவித்துள்ளார்.