ரஜினிகாந்த் நடிப்பில் உருவாகியுள்ள காலா படத்தின் டீசர் யூடியூப்பில் புதிய சாதனை படைத்துள்ளது.

 

கபாலி படத்தைத் தொடர்ந்து பா.ரஞ்சித் இயக்கத்தில் ரஜினிகாந்த் நடிப்பில் உருவாகியுள்ள படம் காலா. தனுஷ் தயாரித்துள்ள இப்படத்திற்கு சந்தோஷ் நாராயணன் இசையமைத்துள்ளார். கடந்த மார்ச் 1ம் தேதி இப்படத்தின் டீசர் வெளியாகி ரசிகர்களிடையே நல்ல வரவேற்பு பெற்றது. இந்த டீசரை 2 கோடியே 41 லட்சத்திற்கும் அதிகமானோர் பார்த்துள்ளனர்.

 

இந்த நிலையில், இந்த டீசரை பார்த்து ரசிகர்கள் கொடுத்த லைக்குகளின் எண்ணிக்கை தற்போது 5 லட்சத்தை எட்டி புதிய சாதனை படைத்துள்ளது. இதையடுத்து, வரும் ஜூன் மாதம் 7ம் தேதி காலா வெளியாகும் என்று அறிவிக்கப்பட்டுள்ளது. இப்படத்தில் ரஜினியுடன் இணைந்து நானா படேகர், சமுத்தி ரக்கனி, சம்பத், வத்திக்குச்சி திலீபன், ஹூமா குரேஷி, அஞ்சலி பட்டேல், அருந்ததி, சாக்‌ஷி அகர்வால் ஆகியோர் உள்பட பலர் நடித்துள்ளனர்.