லக்னோ

 

காஷ்மீரில் இருக்கும் கத்துவா என்ற கிராமத்தைச் சேர்ந்த 8 வயது  சிறுமி ஒருவர் 8  பேரால் பாலியல் பலாத்காரம்  செய்யப்பட்டு கொல்லப்பட்டார். இந்தச் சம்பவம் நாட்டில் அதிர்ச்சியை ஏற்படுத்தியது. இந்த கொலை மற்றும் வன்புணர்வு வழக்கில் தொடர்புடைய அனைவரும் கைது செய்யப்பட்டு இருக்கி றார்கள். இது குறித்து வழக்கு விசாரணை நடைபெற்று வருகிறது.

 

தொடர்ந்து உன்னவோ சம்பவம் அரியானா போன்ற இடங்களிலும் இது போல் சிறுமிகள் பாலியல் பலாத்காரத்திற்கு உள்ளான சம்பவங்கள் நடந்து நாட்டை அதிர்ச்சிக்கு உள்ளாக்கி உள்ளன. இந்த நிலையில்  இது போல் மற்றொரு பயங்கர சம்பவம் உத்தரபிரதேசத்தில் நடந்து உள்ளது. உத்தரபிரதேசம் எடா மாவட்டத்தில் 8 வயது சிறுமி ஒருவர் பாலியல் பலாத்காரம் செய்யப்பட்டு கொலை செய்யப்பட்டு உள்ளார்.

 

அங்கு நடந்த ஒரு திருமண விழாவில் தனது பெற்றோர்களுடன் சிறுமி கலந்து கொண்டார். அப்போது 18 வயது  இளைஞர் சோனு என்பவர் ஒருவர் சிறுமியை பாலியல் பலாத்காரம் செய்து கொலை செய்து உள்ளார். சிறுமியின் உடல் அருகே  குற்றவாளி குடிபோதையில் படுத்து இருந்தான்.இது குறித்து போலீசார் வழக்குப்பதிவு செய்து சோனுவை கைது செய்து உள்ளனர்.