தர்மதுரை படத்திற்கு பிறகு மீண்டும் ஒரு பிரமாண்ட படத்தில் நடிகர் விஜய் சேதுபதியுடன், தமன்னா இணைந்து நடிக்க இருப்பதாக தகவல் வெளியாகி இருக்கிறது. உய்யலவாடா நரசிம்ம ரெட்டியின் வாழ்க்கை ‘சயீரா நரசிம்மரெட்டி’ என்ற பெயரில் பிரம்மாண்ட படமாக உருவாகி வருகிறது. இந்த படத்தில் உய்யலவாடா நரசிம்ம ரெட்டியாக சிரஞ்சீவி நடிக்கிறார். அவருக்கு ஜோடியாக நயன்தாரா நடிக்கிறார். 

 

அமிதாப்பச்சன், விஜய்சேதுபதி, சுதீப், ஜெகபதி பாபு முக்கிய கதாபாத்திரத்தில் நடிக்கின்றனர். இந்நிலையில், இந்த படத்தில் ஒரு முக்கிய கதாபாத்திரத்தில் நடிக்க தமன்னா ஒப்பந்தமாகியிருப்பதாக தகவல் வெளியாகி இருக்கிறது. தர்மதுரை படத்திற்கு பிறகு விஜய் சேதுபதி நடிக்கும் படத்தில் தமன்னா நடிக்கிறார் என்பது குறிப்பிடத்தக்கது.