சென்னை:

பிரதமருக்கு எதிர்க்கட்சிகள் கறுப்புக்கொடி காட்டினால் நாங்கள் பச்சைக்கொடி காட்டுவோம் என அமைச்சர் ராஜேந்திர பாலாஜி தெரிவித்துள்ளார். காவிரி மேலாண்மை வாரியம் அமைக்காத மத்திய அரசைக் கண்டித்து தமிழகத்தில் எதிர்க்கட்சிகள் போராட்டத்தில் ஈடுபட்டுள்ளனர்.

காவிரி மேலாண்மை வாரியம் அமைக்காத மத்திய அரசைக் கண்டித்து சென்னை வரும் பிரதமர் மோடிக்கு கறுப்பு கொடி காட்டப்படும் என எதிர்க்கட்சிகள் தெரிவித்துள்ளன. இந்நிலையில் பிரதமருக்கு எதிர்க்கட்சிகள் கறுப்புக்கொடி காட்டினால் அதிமுகவினர் பச்சைக்கொடி காட்டுவார்கள் அமைச்சர் ராஜேந்திர பாலாஜி தெரிவித்துள்ளார். மேலும் காவிரி நீரை பெற பிரதமருக்கு உரிய அழுத்தம் கொடுப்போம் என்றும் ராஜேந்திர பாலாஜி தெரிவித்தார். காவிரி மேலாண்மை வாரியம் அமைக்க கோரி நடத்தும் மு.க.ஸ்டாலினின் நடைபயணம் மக்களை திசை திருப்பும் நாடகம் என்றும் ராஜேந்திர பாலாஜி தெரி வித்தார்.