புதுடெல்லி,

 

நாடாளுமன்றத்தில் 2-ம் கட்ட பட்ஜெட் கூட்டத் தொடர் கடந்த மாதம் 5-ந்தேதி தொடங்கியது முதலே கடும் கூச்சலும் குழப்பமும் நிலவி வருகிறது. காவிரி மேலாண்மை வாரியம் அமைக்கக் கோரி அ.தி.மு.க. எம்.பி.க்கள் இரு சபைகளிலும் தொடர்ந்து அமளியில் ஈடுபட்டு சபையை முடக்கி வரு கின்றனர்.

 

இதனால் தெலுங்கு தேசம் மற்றும் காங்கிரஸ் உள்ளிட்ட எதிர்க்கட்சிகள் மக்களவையில் பா.ஜனதா அரசுக்கு எதிராக கொண்டு வந்த நம்பிக்கை இல்லா தீர்மானம் இதுவரை விவாதத்துக்கு எடுத்துக் கொள்ளப்படவில்லை. மக்களவையில் நேற்றும் இதே நிலை நீடித்தது. இதனால் சபாநாயகர் நாள் முழு வதும் சபையை ஒத்திவைத்தார். மாநிலங்களவை நேற்று 10 முறை ஒத்திவைக்கப்பட்டு, இறுதியில் நாள் முழுவதும் ஒத்திவைக்கப்பட்டது. இரு சபை களும் 20-வது நாளாக தொடர்ந்து முடங்கியது.

 

இந்தநிலையில் இன்று நாடாளுமன்றம் வளாகம் அருகே வங்கி முறைக்கேடு, விவசாயிகள் பிரச்சனை, நம்பிக்கையில்லா தீர்மானம், எஸ்.சி. எஸ்.டி சட்டம், ஏர் இந்தியாவில் பங்குகள் விலக்கல் உள்ளிட்ட பல்வேறு பிரச்சனைகளை வலியுறுத்தி எதிர்க்கட்சியினர் போராட்டம் நடத்தினர். இந்த போரா ட்டத்தில் காங்கிரஸ் தலைவர் ராகுல் காந்தி, காங்கிரஸ் கட்சியின் முன்னாள் தலைவர் சோனியா காந்தி உள்ளிட்டோர் இந்த போராட்டத்தில் கலந்து கொண்டனர்.