திருப்பூர் அ.தி.மு.க எம்.பி., சத்தியபாமாவைக் கொலைசெய்ய முயன்றதாக, அவரது கணவர் வாசு கைதுசெய்யப்பட்டுள்ளார்.

ஈரோடு மாவட்டம் கோபிசெட்டிபாளையத்தைச் சேர்ந்தவர், எம்.பி., சத்தியபாமா. இவர், அ.தி.மு.க நாடாளுமன்ற உறுப்பினராக உள்ளார். கடந்த 1990-ம் ஆண்டு, சத்தியபாமாவுக்கும் வாசுவுக்கும் திருமணம் நடைபெற்றது. இவர்களுக்கு ஒரு மகன் உள்ளார். வாசுவுக்கும் சத்தியபாமாக்கும் இடையே சில காலமாகவே தகராறு நடந்துவந்துள்ளது.

கடந்த 2016-ம் ஆண்டு, சத்தியபாமா தனது கணவரை விவாகரத்து செய்துவிட்டு தனியாக வாழ்ந்துவருகிறார். இந்நிலையில் வாசு, சத்தியபாமாவைக் கொலைசெய்ய முயற்சித்ததாக, சத்தியபாமாவின் சகோதரர் கோபிசெட்டிபாளையம் காவல் நிலையத்தில் புகார் அளித்துள்ளார். புகாரை அடுத்து வாசுவைக் கைதுசெய்த போலீஸார், அவர்மீது வழக்குப்பதிவு செய்து சிறையில் அடைத்துள்ளனர்.

அ.தி.மு.க அணிகள் இரண்டாகப் பிரிந்திருந்தபோது, எம்.பி., சத்தியபாமா, ஓ.பன்னீர்செல்வம் அணிக்கு ஆதரவு அளித்தார் என்பது குறிப்பிடத்தக்கது.