வெள்ளி 25, செப்டம்பர் 2020  
img
img

மாணவர்களைப் போராட்டங்களில் ஈடுபடுத்தினால் நடவடிக்கை!'
செவ்வாய் 13 பிப்ரவரி 2018 17:44:51

img

பள்ளி மாணவர்களை முன்னிறுத்தி போராட்டம் நடத்துவது தவறு. மாணவர்களைப் போராட்டத்தில் ஈடுபடுத்தினால் நடவடிக்கை எடுக்கப்படும்” எனத் தூத்துக்குடி மாவட்ட ஆட்சியர் வெங்கடேஷ் தெரிவித்துள்ளார்.

மாணவர்களை முன்னிறுத்தி போராட்டம் நடத்தும் புதிய கலாசாரம், தூத்துக்குடியில் பரவிவருகிறது. கடந்த, 2017-ம் ஆண்டு, தமிழகத்தில் ஜல்லிக்கட்டு மீதான தடையை நீக்க வலியுறுத்தி இளைஞர்கள், கல்லுாரி மாணவர்கள் போராட்டம் நடத்தி வெற்றி கண்டனர். அதிலிருந்து, சமூக பிரச்னைகளுக்கு, பள்ளி மாணவர்களையும் முன்னிறுத்தி போராட்டம் நடத்துவது அதிகரித்து வருகிறது.

துாத்துக்குடி மாவட்டத்தில், அரசுக்கு எதிரான போராட்டங்களில் பள்ளி மாணவர்களை முன்னிறுத்தும் கலாசாரத்தை என்.ஜி.ஓ-களும் சில சமூக அமைப்புகளும் உருவாக்கி வருகின்றன. சமீபத்தில், தூத்துக்குடியில், இலவச பஸ் பாஸ் வைத்திருக்கும் பள்ளி மாணவர்களைப் பேருந்துகளை ஏற்றாமல் செல்கின்றனர் எனச் சொல்லி, உள்ளூர் சமூக ஆர்வலர் ஒருவரின் தூண்டுதலின் பேரில், பள்ளி மாணவர்கள் ஆட்சியர் அலுவலகத்தில் போராட்டத்தில் ஈடுபட்டனர். இதில் பல மாணவர்கள் என்ன காரணத்துக்காகப் போராட வந்தோம் எனத் தெரியாமலேயே வந்தனர்.

தூத்துக்குடி மாவட்டத்தில் இயங்கி வரும் ஸ்டெர்லைட் தாமிர ஆலையின் விரிவாக்கத்தை எதிர்த்து குமரெட்டியாபுரம் ஊர்மக்கள் நடத்திய போராட்டத்திலும் தங்கள் குழந்தைகளைப் பள்ளிக்கு அனுப்பாமல் நிறுத்தி வைத்து மாணவர்களைப் பள்ளிச்சீருடையில் முன்வரிசையில் அமர வைத்திருந்தனர். காவல்துறையின் நடவடிக்கைக்குப் பயந்து பள்ளி மாணவர்களைக் களத்தில் இறக்கி இருப்பதாகவும் இதன் மூலம் போராட்டம் நடத்துபவர்கள் தப்பித்துக்கொள்ள நினைப்பதாகவும் கூறப்படுகிறது. பெற்றோர்களே பள்ளி மாணவர்களைப் பள்ளி செல்லவிடாமல் போராட்டத்தில் ஈடுபடுத்துவதும், அதற்குச் சில அமைப்புகள் துணை நிற்பதும் கண்டிக்கத்தக்கது எனவும் அடுத்த மாதம் அரசுத் தேர்வுகள் ஆரம்பமாகும் நிலையில், மாணவர்கள் போராட்டத்தில் ஈடுபடுவது அவர்கள் படிப்பைப் பாதிக்கும் என்கின்றனர் சமூக ஆர்வலர்கள்.

இது குறித்து செய்தியாளர்களிடம் பேசிய மாவட்ட ஆட்சியர் வெங்கடேஷ், “பள்ளிக்கூடத்துக்கு படிக்கச் செல்லும் மாணவர்களைப் போராட்டங்களில் ஈடுபடுத்துவது தவறு. மாணவர்களின் படிப்பு தடைபடுவதை அனுமதிக்க முடியாது. அவ்வாறு போராட்டத்தில் ஈடுபடுத்தினால் மாவட்டக் கல்வி அதிகாரிகள், பள்ளி நிர்வாகத்திடம் விளக்கம் கேட்கப்பட்டு நடவடிக்கை எடுக்கப்படும்” என்றார்.

பின்செல்

இந்தியச் செய்திகள்

img
தப்ளிக் விழா: டில்லி விமான நிலையத்தில் 8 மலேசியர்கள் தடுத்து நிறுத்தப்பட்டனர்! 960 பேர் இன்னும் தலைமறைவாக உள்ளனர்

இந்தியாவின் டில்லியில் நடைபெற்ற தப்ளிக் சமய விழாவில் கலந்து கொண்ட

மேலும்
img
மோடிக்கு பயங்கரவாதிகள் குறி

பாகிஸ்தானைத் தலைமையிடமாகக் கொண்டுள்ள பயங்கரவாத அமைப்பு டிச.22ஆம் தேதி

மேலும்
img
இந்தியா இமாலய வெற்றி!

ரோகித், ராகுல் சதம்

மேலும்
img
கைலாசாவை அமைத்தே தீருவேன்... நித்தியானந்தா பேச்சு: 40 லட்சம் பேர் விண்ணத்துள்ளனர்

தம்முடைய கைலாசா நாட்டின் குடிமக்கள் ஆவதற்கு உலகெங்கிலுமிருந்து 40 லட்சம்

மேலும்
img
ஐஎஸ் அமைப்புக்கு தொடர்பு இல்லை மறைமுக சதியே காரணம் 

சிறிலங்கா முஸ்லிம் காங்கிரஸ் தலைவர் ரவூப் ஹக்கீம்

மேலும்
  • Copyright 2019.Nanban.All rights reserved.
  • powered by img