மெர்சல்’ விவகாரம் தேசியளவில் தாக்கத்தை ஏற்படுத்தியுள்ள நிலையில் காங்கிரஸ் துணைத் தலைவர் ராகுல் காந்தி மெர்சல் திரைப்படத்துக்கு ஆதரவாக கருத்து தெரிவித்துள்ளார். 'மிஸ்டர் மோடி, திரைப்படம் என்பது தமிழ் கலாச்சாரம் மற்றும் மொழியின் பெருமையை பிரதிபலிப்பதாகும். தமிழர்களின் பெருமையை மதிப்பிழக்கச் செய்ய முயல வேண்டாம்’ என்று ட்வீட் செய்து மெர்சல் திரைப்படத்தை எதிர்க்கும் பா.ஜ.கவினருக்கு பதிலடி கொடுத்துள்ளார் ராகுல் காந்தி. மேலும் பிரதமர் நரேந்திர மோடியை நேரடியாக குறிப்பிட்டு ராகுல் காந்தி ட்வீட் செய்துள்ளதால் மெர்சல் விவகாரம் விஸ்வரூபம் எடுக்கும் என எதிர்ப்பார்க்கப்படுகிறது.