ஜெயலலிதா மரணம் தொடர்பாக வழக்கு தொடர்ந்தவருக்கு சைதாப்பேட்டை நீதிமன்றம் நோட்டீஸ் அனுப்பியுள்ளது. முன்னாள் முதல்வர் ஜெயலலிதா, உடல்நலக் குறைவு காரணமாக சென்னை கிரீம்ஸ் சாலையிலுள்ள அப்போலோ மருத்துவமனையில் அனுமதிக்கப்பட் டிருந்தார். இரண்டு மாதங்களுக்கு மேல் மருத்துவமனையிலிருந்த ஜெயலலிதா, சிகிச்சை பலனின்றி உயிரிழந்தார். அவர், மருத்துவமனையில் சிகிச்சை யிலிருந்த காலத்தில் யாரையும் பார்க்க அனுமதிக்கவில்லை. மேலும், அவர் சிகிச்சையில் இருக்கும் புகைப்படம் மற்றும் வீடியோ பதிவு ஏதும் வெளி யிடப்படவில்லை. எனவே, அவருடைய மரணம் தொடர்பாகத் தமிழக மக்களுக்கு சந்தேகம் ஏற்பட்டுள்ளது. ஜெயலலிதா மரணம் தொடர்பாக, சசிகலா, ஓ.பன்னீர்செல்வம் உள்ளிட்டோரை விசாரிக்க வேண்டும் என்று சைதாப்பேட்டை நீதிமன்றத்தில் பொதுநல வழக்கு தொடரப்பட்டிருந்தது. இந்த வழக்கு இன்று விசாரணைக்கு வந்தது. அப்போது, ஜெயலலிதா மரணம் தொடர்பாகக் காவல்நிலையத்தில் புகார் அளிக்க என்ன காரணம். இதுதொடர்பாக உயர் அதிகாரிகளிடம் புகார் அளித்தீர்களா என்று நீதிபதி கேள்வி எழுப்பியதோடு, இதுதொடர்பாக பதில் அளிக்க வேண்டும் என்று மனுதாரருக்கு உத்தரவிட்டார்.