'நாளைய மனிதன்', 'கடவுள்', 'புரட்சிக்காரன்' உள்ளிட்ட பல படங்களை இயக்கியவர், வேலு பிரபாகரன். முப்பது படங்களுக்கும் மேல் ஒளிப்பதிவாளராகப் பணியாற்றியுள்ளார். இவர் இயக்கிய, 'ஒரு இயக்குநரின் காதல் டைரி' திரைப்படம் நேற்று வெளியானது. இந்நிலையில் வேலு பிரபாகரன், நடிகை ஷெர்லின் தாஸை இன்று (3 ஜூன்) காலை 10.25 மணியளவில் பத்திரிகையாளர்கள் முன்னிலையில், சென்னை யிலுள்ள லீ மேஜிக் லேண்டர்ன் திரையரங்கில் திருமணம்செய்துகொண்டார். வேலு பிரபாகரன் இயக்கிய 'காதல் கதை' திரைப்படத்தில், ஷெர்லின் தாஸ் நாயகியாக நடித்தவர் என்பது குறிப்பிடத்தக்கது. மேலும், வேலு பிரபாகரன் ஷெர்லினைவிட 25 வயது மூத்தவர்.