உத்தரப்பிரதேச மாநிலத்திலுள்ள மருத்துவமனையில் மத்திய அமைச்சர் மேனகா காந்தி அனுமதிக்கப்பட்டுள்ளார். மத்திய பெண்கள் மற்றும் குழந்தைகள் நலத்துறை அமைச்சராக இருப்பவர் மேனகா காந்தி. இந்நிலையில், திடீர் உடல் நலக்குறைவு காரணமாக, மேனகா காந்தி உத்தரப்பிரதேச மாநிலம் பில்லி பிட் என்ற பகுதியிலுள்ள ஒரு மருத்துவமனையில் அனுமதிக்கப்பட்டுள்ளார். அங்கு அவசர சிகிச்சைப் பிரிவில் அவர் அனுமதிக்கப்பட்டுள்ளார். மூச்சுத் திணறல் காரணமாக, மேனகா காந்தி மருத்துவமனையில் அனுமதிக்கப்பட்டிருப்பதாகத் தகவல் வெளியாகியது. ஆனால், இதை மருத்துவமனை நிர்வாகம் மறுத்துள்ளது. பித்தப்பையில் கல் இருப்பதால் அவர் மருத்துவமனையில் அனுமதிக்கப்பட்டுள்ளதாக மருத்துவமனை தரப்பில் தெரிவிக்கப்பட் டுள்ளது. மேலும், மேல் சிகிச்சைக்காக அவர் டெல்லி மருத்துவமனைக்கு அழைத்துச் செல்லப்படலாம் என்று கூறப்படுகிறது.