அதிமுக ஆட்சி கிட்டத்தட்ட பாஜக ஆட்சியாக நடந்து கொண்டிருக்கிறது என்று திமுக எம்.பி. கனிமொழி கூறியுள்ளார்.இது தொடர்பாக இன்று அவர் புதுக் கோட்டையில் செய்தியாளர்களிடம் கூறுகையில், ''எடப்பாடி பழனிசாமியை முதல்வராக அமர வைத்து பாஜக தன் ஆட்சியை தமிழகத்தில் நடத்திக் கொண்டிருக்கிறது. அதிமுகவில் இருக்கும் குழப்பத்தை பாஜக பயன்படுத்திக் கொள்கிறது. அதன்மூலம் தமிழகத்தில் பாஜக தன்னை நிலைநிறுத்திக் கொள்ள முயற்சிக்கிறது. அதிமுக ஆட்சி கிட்டத்தட்ட பாஜக ஆட்சியாக நடந்து கொண்டிருக்கிறது என்பதைத்தான் மீண்டும் சொல்கிறோம்.சிபிஎஸ்இ பாடத்திட்டத்தை தமிழகத்தில் திணிக்க மத்திய அரசு முயற்சித்து வருகிறது'' என்று கனிமொழி கூறினார்.