தமிழக முதல்வர் எடப்பாடி பழனிசாமி, 'தமிழக சட்டப்பேரவை விரைவில் கூட்டப்படும்' என்று தெரிவித்துள்ளார். ஊட்டியில் ஆண்டுதோறும் கோடைக் காலத்தில் மலர்க் கண்காட்சி நடத்தப்பட்டு வருகிறது. அதன்படி உதகை அரசுத் தாவரவியல் பூங்காவில் 121-வது மலர்க் கண்காட்சி இன்று தொடங்கியது. மூன்று நாள்கள் நடக்கும் இந்த மலர்க் கண்காட்சியில் பல்லாயிரக்கணக்கான மலர்கள் பொதுமக்கள் பார்வைக்காக வைக்கப்பட்டுள்ளன. இந்தச் சிறப்பு மலர்க் கண்காட்சியினை இன்று காலை 9 மணிக்கு முதல்வர் எடப்பாடி பழனிசாமி தொடக்கிவைத்தார். பின்னர் செய்தியாளர்களிடம் முதல்வர் பேசுகையில், 'தமிழக சட்டப்பேரவை விரைவில் கூட்டப்படும்' என்று கூறியுள்ளார். சட்டப்பேரவையைக் கூட்ட தி.மு.க தொடர்ந்து வலியுறுத்தி வந்த நிலையில், முதல்வர் இதைப்போல அறிவித்துள்ளது குறிப்பிடத்தக்கது.