புதுச்சேரி முன்னாள் முதல்வர் ராமசாமி, உடல் நலக்குறைவு காரணமாக மரணம் அடைந்துள்ளார். அவருக்கு வயது 85. அவர் கடந்த 1972 மற்றும் 1974 ஆண்டுகளில், அ.தி.மு.க ஆட்சியில் முதல்வராக பதவி வகித்தவர். அதாவது, கடந்த 1974-ல் 11 நாட்களும், 1978 -ல் 15 மாதங்களும் முதல்வராக பதவி வகித்தவர். தற்போது காங்கிரஸ் கட்சியில் சிறப்பு அழைப்பாளராக உள்ளார். இதற்டையே, வயது முதிர்வின் காரணமாகவும், உடல்நலக்குறைவு காரணமாகவும், இன்று காலை அவர் உயிரிழந்தார். இதையடுத்து, ராமசாமியின் மறைவுக்கு, அரசியல் கட்சித் தலைவர்கள் இரங்கல் தெரிவித்து வருகின்றனர். இந்நிலையில், ராமசாமியின் இறுதிச் சடங்கு, அவரது சொந்த ஊரான காரைக்காலில் இன்று நடக்கிறது.