தமிழ் தெரியாத தலைமுறைகளை உருவாக்கியது திராவிடக் கழகங்கள் தான் என்று மத்திய இணையமைச்சர் பொன்.ராதாகிருஷ்ணன் தெரிவித்துள்ளார். இந்தித் திணிப்பு மற்றும் நீட் தேர்விற்கு எதிராக நேற்று தமிழகம் முழுவதும் தி.மு.க சார்பில் கருத்தரங்கம் நடைபெற்றது. அந்த கருத்தரங் கங் களில் மத்திய அரசின் இந்தித் திணிப்பு நடவடிக்கையில் ஈடுபட்டு வருகிறது என்று விவரித்தனர். வேலூரில் நடைபெற்ற கருத்தரங்கத்தில் தி.மு.க செயல்தலைவர் மு.க.ஸ்டாலின் கலந்து கொண்டார். அவர் மத்திய அரசிற்கு எதிராக கடுமையான கண்டனங்களை பதிவு செய்தார். இந்த நிலையில் மு.க.ஸ்டாலினுக்கு பதில் அளிக்கும் வகையில் பொன்.ராதாகிருஷ்ணன் பதில் அளித்துள்ளார்.