பிரம்மாண்ட திரைப்படமான 'பாகுபலி 2', 1000 கோடி வசூலில் இணைந்த முதல் இந்தியத் திரைப்படம் என்ற பெருமையைப் பெற்றுள்ளதாம். சமூக வலைத்தளங்களில் #BaahubaliTheConclusion #1000croreBaahubali #1000ccBaahubali போன்ற ஹேஷ்டேக்குகள் தான் இன்றைய ட்ரெண்ட். கடந்த ஏப்ரல் மாதம் 28-ம் தேதி உலகெங்கிலும் இயக்குநர் ராஜமௌலியின் பாகுபலி - 2 ரீலீஸ் ஆனது. பிரபாஸ், ராணா, அனுஷ்கா, ரம்யா கிருஷ்ணன், சத்யராஜ் உள்ளிட்டோர் நடித்த திரைப்படம் இந்தியா மட்டுமன்றி உலகெங்கிலும் ஏற்படுத்திய அலை சற்று அதிகம்தான். இத்திரைப்படம் இந்தியாவில் ரூ.800 கோடி வசூலித்தும், வெளிநாடுகளில் ரூ.200 கோடி வசூலித்தும் மொத்தம் ரூ.1000 கோடி வசூலித்து புதிய சாதனை படைத்துள்ளதாக பிரபல வர்த்தக வல்லுநர் ரமேஷ் பாலா தனது ட்விட்டர் பக்கத்தில் தெரிவித்துள்ளார்.