அமெரிக்காவின் மோட்டல் ஒன்றில் இந்தியாவை சேர்ந்தவர் ஒருவர் சுட்டு கொல்லப்பட்டார். இந்தியாவை சேர்ந்த காண்டு படேல் என்பவர் ஓயிட்ஹவன் நகரில் உள்ள மோட்டலில் பணியாற்றி வந்துள்ளார். தனது மனைவி மற்றும் இரண்டு குழந்தைகளுடன் கடந்த 8 மாதமாக அங்கேயே தங்கி பணியாற்றி வந்தார். இந்நிலையில், கடந்த திங்கட்கிழமை மோட்டலில் இரு தரப்புக்கு இடையே திடீரென மோதல் ஏற்பட்டது. அதில் ஒரு குண்டு, மோட்டல் வெளியில் பணி முடித்து நின்று கொண்டிருந்த படேல் மார்பில் குண்டு பாய்ந்தது. இதில் படுகாயமடைந்த அவர் மருத்து வமனை அழைத்து செல்லும் வழியில் மரணமடைந்தார். இது தொடர்பாக போலீசார் விசாரணை நடத்தி வருகின்றனர். குற்றவாளி பற்றிய விபரத்தை மோட்டல் நிர்வாகிகளிடம் கேட்டுள்ளனர்.