டெல்லியில் 64-வது தேசிய திரைப்பட விருதுகள் இன்று காலை அறிவிக்கப்பட்டன. இயக்குநர் ப்ரியதர்ஷன் தலைமையிலான குழு விருதுகளை அறி வித்தது. சிறந்த தமிழ் படத்துக்கான தேசிய விருது 'ஜோக்கர்’ படத்துக்கு கிடைத்துள்ளது. சிறந்த திரைப்பட எழுத்தாளருக்கான தேசிய விருது தனஞ் செயனுக்கு கிடைத்துள்ளது. விஜய் சேதுபதி நடிப்பில் வெளியான ’தர்மதுரை’ படத்தில் வரும், ’எந்தப் பக்கம்’ என்னும் பாடலுக்காக பாடலாசிரியர் வைர முத்துவுக்கு தேசிய விருது கிடைத்துள்ளது. சிறந்த பாடலாசிரியருக்கான தேசிய விருது அறிவிக்கப்பட்டுள்ளது மகிழ்ச்சி அளிப்பதாக வைரமுத்து தெரிவித்துள்ளார். ”ஏழாவது முறையாக தேசிய விருது கிடைத்தது தமிழுக்கு கிடைத்த பெருமை. எனக்கு விருது கிடைத்ததில் பெருமை மொழிக்குத்தான். நான் வெறும் கருவிதான். நான் தர்மதுரை படத்தில் எழுதிய ’எந்தப் பக்கம்’ என்னும் பாடல் தற்கொலைக்கு எதிரானது. 'தர்மதுரை' படத்தில் நடித்த அனைவருக்கும் நன்றி” என்று வைரமுத்து கூறியுள்ளார்.