ஆர்.கே.நகர் தொகுதியில் போட்டியிடும் 9 வேட்பாளர்கள் கோடீஸ்வரர்கள். இந்த பட்டியலில் ரூ. 14.14 கோடி சொத்துக்களுடன் நாம் தமிழர் கட்சி வேட் பாளர் முதலிடத்தில் உள்ளார்.ஆர்.கே.நகர் தொகுதிக்கு வருகிற 12-ந் தேதி இடைத்தேர்தல் நடக்கிறது. இந்த தொகுதியில் 62 வேட்பாளர்கள் போட்டி யிடுகிறார்கள். ஜனநாயக சீர்திருத்த அமைப்பு மற்றும் அறப்போர் இயக்கம் சார்பில் அதன் ஒருங்கிணைப்பாளர் சுதர்‌ஷன், ஆர்.கே.நகர் தொகுதி வேட்பாளர்கள் பற்றிய ஆய்வு அறிக்கையை வெளியிட்டுள்ளார். அதன் விவரம் வருமாறு:- ஆர்.கே.நகர் தொகுதியில் போட்டியிடும் 9 வேட்பாளர்கள் கோடீஸ்வரர்கள். இதில் நாம் தமிழர் கட்சி வேட்பாளர் கலைக்கோட்டுதயம் ரூ 14.14 கோடி சொத்துக்களுடன் முதலிடத்தில் உள்ளார். அ.தி.மு.க அம்மா கட்சி வேட்பாளர் டி.டிவி. தினகரனுக்கு ரூ 10.78 கோடி சொத்துக்களும், அ.தி.மு.க புரட்சித் தலைவி அம்மா கட்சி வேட்பாளர் மதுசூதனனுக்கு ரூ.5.38 கோடி சொத்துக்களும் உள்ளன.