செவ்வாய் 07, டிசம்பர் 2021  
img
img

60 கேமரன் மலை இந்திய விவசாயிகளின் கதி என்ன?
திங்கள் 23 டிசம்பர் 2019 08:42:39

img

கேமரன் மலையில் நாற்பது ஆண்டுகளாக விவசாயம் செய்து வரும் இந்தியர்களின் நிலங்களை பறிப்பதற்கான நடவடிக்கை தடுத்து நிறுத்தப்பட வேண்டும். மேலும், அவர்களுக்கு மாற்று நிலங்கள் வழங்கப்படுவதும் உறுதி செய்யப்பட வேண்டும் என வலியுறுத்தப்பட்டுள்ளது.

அத்தொகுதியின் நாடாளுமன்ற உறுப்பினர் ரம்லி நோர் உடனடியாக இந்நடவடிக்கையை எடுக்க வேண்டும் என   ம.இ.கா தேசிய தகவல் பிரிவுத்தலைவர் வே.குணாளன் கூறினார்.

தற்போது பகாங் மாநில அரசாங்கம் இங்குள்ள பலருக்கும் புதிய நிலங்களை வழங்கி வரும் நிலையில், சுமார் 40 முதல் 50 ஆண்டுகளாக 240 ஏக்கர் நிலத்தில் காய்கறிகளை விவசாயம் செய்து வரும் கோல தெர்லாவைச் சேர்ந்த 60 விவசாயிகளின் நிலங்களைப் பறிப்பதற்கான நடவடிக்கை மேற்கொள்ளப்பட்டு  வருகிறது. இதற்காக பல்வேறு காரணங்களும் கூறப்பட்டு வருகின்றன. ஆனால், அவர்களுக்கு மாற்று நிலங்களை வழங்குவது பற்றி பேசப்படவில்லை. 

கேமரன் மலை  இடைத்தேர்தலின் போது ம.இ.கா.விற்குச் சொந்தமான அத்தொகுதியை இரவலாகப் பெற்று வெற்றி பெற்ற ரம்லி, இப்பகுதி வாழ் மக்கள் எதிர்நோக்கும் பிரச்சினைகளுக்கு மாநில மந்திரி புசாரின் வாயிலாகத் தீர்வு காண வழங்கப்பட்ட வாக்குறுதி என்னவானது என குணாளன் கேள்வி எழுப்பினார்.

கேமரன் மலை இடைத்தேர்தலில் வெற்றிபெற்ற நாளிலிருந்து அங்குள்ள மக்களை இன்று வரை சந்திக்காமல் இருந்து வரும் ரம்லி நோர், முதலில் பாதிக்கப்பட்டுள்ள விவசாயிகளுக்கு ஒரு நல்ல தீர்வைக் காண வேண்டும் என்று வலியுறுத்தினார்.

இந்த அறுபது விவசாயிகள் உட்பட கேமரன் மலையில் பாதிக்கப்பட்ட விவசாயிகளின் பிரச்சினைகள் அடங்கும் மகஜர் ஒன்று துணைப்பிரதமர் டத்தோஸ்ரீ டாக்டர் வான் அஜிஸா வான் இஸ்மாயிலிடம் வழங்கப்பட்டிருப்பது குறிப்பிடத்தக்கது.

பின்செல்

தலைப்புச் செய்திகள்

img
சேமிப்பின் அவசியத்தை உணர்த்திய Simpan SSPN - BMS சேமிப்பு மாதம்

ஒவ்வோர் ஆண்டும் அக்டோபர் 31 ஆம் தேதி அனுசரிக்கப்படும் உலக சேமிப்பு தினத்தை

மேலும்
img
100 நாள் Aspirasi #KeluargaMalaysia திரளாகக் கலந்து கொள்ள வாருங்கள்

அரசாங்கத்தின் 100 நாள் Aspirasi #KeluargaMalaysia எனும் நிகழ்ச்சி மிகவும் பிரமாண்டமான

மேலும்
img
Aspirasi #KeluargaMalaysia கடைப்பிடிக்க வேண்டிய விதிமுறைகள்

அரசாங்கத்தின் 100 நாள் Aspirasi #Keluarga Malaysia எனும் நிகழ்ச்சி மிகவும் பிரமாண்டமான

மேலும்
img
தொழில் முனைவோர், தொழில் துறை வளர்ச்சிக்கான அத்தியாவசிய திறன்களுடன் மலேசிய இந்தியர்களுக்கு சித்தப்படுத்தும் NCER பயிற்சித் திட்டங்கள்.

மலேசிய பிரதமர் டத்தோ ஸ்ரீ இஸ்மாயில் சப்ரி யாக்கோப் வலியுறுத்தி வரும்

மேலும்
img
பி.டி.பி.டி.என். வழங்கும் 15%, 12%, 10% - சலுகைக்கான விவரங்கள்

தேசிய உயர்கல்வி நிதியுதவிக் கழகமான பி.டி.பி.டி.என்., தங்கள் கடனை திரும்பச்

மேலும்
  • Copyright 2019.Nanban.All rights reserved.
  • powered by img